 |
| نصائح لالطلاب الجدد لكي لا يكونوا "سنافر ضائعين" |
بس انا بحب احكيلك انو مع شويت نصائح منا ما رح يصيرلك هالشي و الي اكثر من هيك ممكن يفكروك سنة ثانية او اكبر يعني مو سنفور ...
اقرأ النصائح منيح و طبقها و رح تشوف النتيجة على الاكيد :
1. تعرف على المواصلات الي بتأدي لجامعتك قبل يوم الدوام و اعرف الاجرة و لا تخلي حد يضحك عليك لانو سواقين و كونترليه الباصات دائما بستغلوا السنافر.
2. تعرف على مباني الجامعة من خلال خريطة الجامعة و بتقدر تحصل عليها من عنا من هون دليل الطالب المستجد في الجامعات الاردنية .
3. زور جامعتك قبل الدوام و امشي فيها و اتعرف على الكفتيريات هناك و بوابات الجامعة و تعرف على مجمع الباصات الي بالجامعة و كيف تروح خلي تجربتك الاولى قبل الدوام .
4. بعد ما تعرف جدولك و محاضراتك و اكيد هالشي قبل الدوام روح على الجامعة و زور المباني الي فيها محاضراتك و تعرف على قاعتك و مداخل و مخارج المبنى .
5. اذا احتجت لاي شي بالجامعة تجنب انك تسأل الطلاب ،في بكل مبني مشرفين او امن اسألهم هم هيك بتكون المعلومة الي بتحصل عليها اكيدة
6. اول يوم دوام اطلع من بيتك حسب المعادلة هاي عشان ما تتأخر عن اول محاضرة ----->
الوقت الي تحتاجو لتصل الجامعة + الوقت الي بتحتاجو لتصل المجمع من البيت + ساعة اضافية لاي تأخر ممكن يصير معك
و هيك انت مستحيل تتأخر .
و هيك رح تكون السنفور الشاطر جربها و ما رح تخسر
و اذا كنت طالب IT او منزل اي مادة من كلية IT احنا بنرحب باسئلتك و استفساراتك عن المواد على حصريا لاجلكم و رح نعمل دروس على المدونة هون حسب اسئلتكم
ما عليك الا انك تكبس على زر انضمام الى هذا الموقع على يسار الشاشة .
0 التعليقات :