الثلاثاء، 17 سبتمبر 2013

الطريقة الصحيحة للتعامل مع الخطة الدراسية

نشرت من طرف : Unknown  |  في   الثلاثاء, سبتمبر 17, 2013 6




اليوم رح نحكي عن الطريقة الصحيحة الي نتعامل فيها مع خطة الدراسة لكل التخصصات طبعا هادا الشي كثيير منيح لالطلاب الجدد
و يمكن يلحقوا حالهم طلاب السنوات الاكبر ، هدفنا اليوم ما يطلع عنا الفصل الجاي مواد مسكرة بسبب المتطلب السابق و يكون عنا مجال نزل مواد تغطي برنامج كامل من 15 - 18 ساعة و مو بس هيك  و يكون عنا خيارات كثير بالمواد يعني لو سكرت شعبة مادة ما نقلق لانو في مادة ثانية رح نزلها مكانها .
اذا عندك قدرة و بتحب تساعد طلاب تخصصك ...
انضم اليوم لفريق الناشرين على مدونة Future 2020 و انشر تلاخيص لمواد تخصصك ...
تعرف على الطريقة من خلال المقال ----->
http://fbj2020.blogspot.com/2014/01/future-2020.html
الموضوع كثثيير سهل و بسيط تعالوا و شوفو :
  احنا رح نطبق على خطة من عندي و طبعا الاسلوب و الطريقة سارية على كل الخطط و التخصصات .
الطريقة الصحيحة للتعامل مع الخطة الدراسية
الطريقة الصحيحة للتعامل مع الخطة الدراسية 
اكيد الصورة مو واضحة كثيير بامكانك تحملها من هنا    لانو رح نطبق عليها و لازم عشان اتابعوا و تفهموا علي منيح 
اول شي لازم نتعرف على شويت مصطلحات : 
1. متطلبات الجامعة الاجبارية : مساقات بتحددها الجامعة اجباري انك توخذها و موجودة بالصورة اول مربع على اليمين .
2. متطلبات الكلية الاجبارية : مساقات بتحددها الكلية اجباري انك توخدها و موجودة بالصورة في اول مربع على اليسار .
3. متطلبات الجامعة الاختيارية : مساقات انت بتختارها من اي كلية بالجامعة حسب قائمة بالمواد بتحددها الجامعة و موجودة بالصورة  في ثاني مربع على اليمين و مقسمة لثلاث اجزاء بهاي الخطة حسب كل مساق باي كلية موجود .
اقرأ ايضا هل لديك مشكلة لان تخصصك بالانجليزية !!!
4. متطلبات قسم اجبارية : متطلبات بحددها قسمك و اجباري توخدها و موجودة بالصورة ثاني مربع على اليسار .
5. المساقات الاستدراكية : 3 مساقات لالطلاب الي برسبوا بامتحانات المستوى و موجودة بالصورة اخر مربع على اليمين .
6. متطلبات قسم اختيارية : مساقات بامكانك انت تختارها من قسمك حسب قائمة مواد بطرحها قسمك و موجودة بالصورة في اخر مربع على اليسار .



7. المادة الحرة : مساق بتقدر توخذوا من اي كلية و من اي قسم بالجامعة و هو عبارة عن مساق واحد بس . 
9. ثاني عمود بكل مربع بكون اسم المساق .
10. ثالث عمود بكل مربع بكون عدد ساعات المساق ( كم ساعة رح توخذ بهادا المساق في الاسبوع الواحد ).
11. رابع عمود لكل مربع بكون المتطلب  السابق ( اهم شي ) .
12. طلاب كلية IT انتبهوا انو في مساقات بكون معها لاب بس لاب مو موجود بالخطة لانو 0 ساعة اسألوا مشرفين المختبرات عنها 
 و طبعا الكم معاملة خاصة عنا زوروا هاي الصفحة لنساعدكم بموادكم (  حصريا لاجلكم ).



في شي كثيير مهم -----> عدد الساعات لكل واحد من المتطلبات 6 الي فوق
 يعني مثلا متطلبات الكلية الاجبارية عدد ساعاتها المطلوبة 21 ساعة و متطلبات الجامعة الاختيارية 9 ساعات 
و هادا الشي بختلف من تخصص لتخصص و من جامعة لجامعة .
  و هيك بنقدر نحكي عن صميم موضوعنا كيف نخلص من مشكلة مادة مسكرة بسبب المتطلب السابق و للابد ....
رح نوخذ مثال : 
اول فصل نزلتلي هالمواد : 
  رقم المادة                      اسم المادة 
0102350                       نظم اسلامية 
0601100                       التربية الوطنية 
0901131                      الحاسوب (2) للتخصصات العلمية  
0902230                      اساسيات نظم المعلومات 

طبعا هادا رح يكون برنامجي و انا سنة اولى فصل اول و اجا موعد التسجيل للفصل الثاني شو رح اعمل : 



1. رح امسك الخطة و احدد المواد الي اخدتها على الفصل الاول .

2. رح اشوف رقم المادة للمواد الي اخذتها و اعرف هي متطلب سابق لاي مادة !!! 
  مثال -----> عنا الحاسوب (2) رقم المادة عنا فوق بنروح على الخطة و بنشوف المواد الي ما اخدناها و رح نطلع على عمود المتطلب السابق و المساق الي بكون بعمود المتطلب السابق عندو رقم مادة حاسوب (2) انا رح اكتبها على ورقة مثل البرمجة الكينونية .اقرأ ايضا برنامج يساعدك في حساب معدلك الفصلي و التراكمي
3. بعد ما نعمل هيك لكل المساقات الي اخدناها الفصل هادا رح نشوف المساقات الي كتبناها على الورقة و نشوف رقم المادة الها و نرجع ندور ثاني مرة بالخطة و شو هي المواد الي متطلبها السابق من المواد الي على الورقة و احنا بنعمل هيك عشان نختار افضل مواد و يفتحولنا مواد للفصل الصيفي او الاول الجاي مساقات اكثر .

4. ممكن تختار مواد تقدر تنزلها و هي ما بتحتاج بالاساس لمتطلب سابق بس استفيد منها بالاوقات الي بتحتار فيها شو تنزل او اذا كانت هاي المادة نفسها متطلب سابق لكثير مواد ثانية
 مثل ----> مبادئ رياضيات .

5. اتجنب تنزل اكثر من متطلب واحد من متطلبات جامعة سواء اختياري او اجباري لانو رح تيجي عليك فصول يكون كلها تخصص و تكون ضغط كثير .

بتكتب شعر او خواطر ؟؟!!
قرأت مقال و حبيت تشاركو معنا ؟؟
بامكانك هلأ تكون جزء فعال ، تعرف كيف من خلال المقال"شارك" ---->
http://fbj2020.blogspot.com/2013/12/blog-post_30.html


6. كل فصل لازم تعمل هالخطوات عشان ما تواجه مشكلة المتطلب السابق .

الى طلاب كلية تكنولوجيا المعلومات 3
برنامج يساعدك في حساب معدلك الفصلي و التراكمي
اسلوب دراسة يجعلك تتفوق في الامتحان اذا كان دوائر (Multiple choice )
هل لديك مشكلة لان تخصصك بالانجليزية !!!
ابني لنفسك ملكة كتابة code صحيح و بسرعة





التسميات : ,

شارك الموضوع

مواضيع ذات صلة

6 التعليقات :

مقال جميل

Unknown يقول...

شكرا لمرورك

Unknown يقول...

شكرا جزيلا

Unknown يقول...

عفوا و شكرا لمرورك و تفاعلك

غير معرف يقول...

رائع

Unknown يقول...

كمرورك

تابعنا ليصلك جديدنا

انت الزائر رقم

Translate

back to top